Zelenskiy İstanbuldağı söyläşülärne bäyäläde
Ul signallarnıñ uñay buluın, tik citärlek tügellegen äytte
1804069
Suğışnıñ 34nçe könendä Ukraina däwlät başlığı Volodimir Zelenskiy belderü yasadı häm İstanbuldağı Dolmabaxçä ofisında uzğan söyläşülärneñ uñay buluın belderde.
“Söyläşü platformasınnan alğan signallar uñay bularaq bäyälänä ala. Tik bu signallar Rusiyä qoralların atudan tuqtatmıy,”-dide ul. Volodimir Zelenskiy cimerüne däwam itüçe däwlätneñ wäkilläre äytkän süzlärgä ışanırğa bernindi säbäpläre bulmawın da citkerde.
“Ukraina qorallı köçläre häm saqlanuğa kergän härkem bügen isän qaluıbıznıñ berdänber garantiyäse,”-dide ul.
