Pol'şa armiyäsen kiñäytä
İlneñ qorallı köçläre zamançalaştırılaçaq häm ğaskärlär sanı arttırılaçaq
Pol’şa saqlanu ministrı Mariuş Blaşçak armiyädäge xärbilär sanın 300 meñgä citkeräçäklären belderde.
“Pol’şa armiyäsen qabat qorallandıraçaqbız. Ğaskärlärne iñ zamança cihazlar häm qorallar belän täêmin itäçäkbez. Xärbi berämleklärneñ sanın da arttıraçaqbız,”-dide ul.
Ministr armiyädä 250 meñ tulı waqıtlı ğaskäri, 50 meñ regional’ saqlanu köçe sanına ireşergä maqsat itep quyuların belderde. Ul Pol’şa qorallı köçlären modernizaśiyäläw häm kiñäytü qararına Rusiyä-Ukraina suğışınıñ êtärüen yäşermi.
Ministr Pol’şa armiyäsen yañartu öçen alınaçaq qorallar arasında Bayraktar TB2lär belän HİMARS raketa sistemaların da sanap uza.
Pol’şa ilbaşı Andrey Duda 18nçe martta Rusiyä belän Ukraina suğışına reakśiyä bularaq ileneñ qorallı köçlären modernizaśiyäläw häm kiñäytüne maqsat itep quyuçı Watannı saqlaw qanunın imzaladı.
