Pol’şadan Vengriyağa Rusiyä reakśiyası
Pol’şa İlbaşı Andrzej Duda Vengriyanı Rusiyä mäs’äläsendäge säyäsäte arqasında tänqıytläde
Duda cirle televideniye kanalına birgän äñgämäsendä, Vengriyanı (Macarstannı) Ukrainanı yaqlamağanı häm Rusiyägä qarşı adım yasamağı öçen tänqıytläp:
"Rusiyäneñ Ukrainağa qarşı agressiyası, tınıç xalıqtan meñnärçä keşeneñ üleme häm xalıqara xoquqqa kürä xärbi cinayät bulıp sanalğan bombalawlar küz aldında totılğan çaqta Vengriyanıñ totışın añlaw minem öçen bik qıyın. Bu säyäsätneñ Vengriyağa bäyäse bik awır bulaçaq”, - dip äytte.
Vengriya Baş ministrı Viktor Orban Ukraina İlbaşı Volodimir Zelenskiyneñ Vengriya aşa ilenä qoral ütüenä röxsät birelüe häm Rusiyägä qarşı tabiğıy gaz häm neft’ çikläwlären yaqlaw telägen kire qaqqan ide.
Ministrlar Kabinetınıñ matbuğat ofisı ğomum särkätibe Bertalan Havasi Vengriya xäbär agentlığına yasağan belderüendä Zelenskiyneñ Awrupa Berlege liderlar sammitında Vengriyadan Rusiyägä qarata ênergiya çikläwlären xuplawın häm Ukrainağa qoralnıñ ütkärelüenä röxsät birelüen sorawın, ämma Vengriyanıñ mänfäğätlärenä tiskäre bulğanı öçen Baş ministr Orbannıñ bu teläklärne kire qağuın citkergän ide.
Vengriyağa tabiğıy gaz belän neft’neñ zur öleşeneñ Rusiyädän qudırıluına, ildä öylärneñ 85%ınıñ tabiğıy gaz belän cılınuına iğ’tibarnı yünältüçe Havasi ileneñ bügengä qadär bulğanı kebek monnan soñ da Rusiyägä qarata ênergiya sankśiyälärenä qarşı çığaçağın iskärtep uzğan ide.
Zelenskiy Vengriyanıñ 24nçe fevral’dä başlanğan Rusiyä-Ukraina suğışına qarata totışına reakśiya kürsätkän häm Vengriya xökümätennän ilenä yaqlaw kürsätelüen telägän ide.
