Ukrainada yaña höcümnär
Rusiyäneñ Ukrainağa qarşı başlağan suğışınıñ bügen 32nçe köne
Ukrainanıñ L’vov şähäre yanında yağulıq saqlağıçın 2 raketa belän bärü näticäsendä bulğan şartlawlarda kimendä 5 keşe yaralandı.
L’vov regional’ xärbi idaräse başlığı Maksim Koziśkiy Telegramnan citkergänçä, kiçä yağulıq saqlağıçına höcümdä ber-ber 3 zur şartlaw bula. Ul, şulay uq, Rusiyäneñ hawa höcüme barışında şähärdä toraq yortlar bombalanmawın da äytte.
Höcümnän alda birelgän kisätüçe sirenalar säbäple şähär üzägendä açıq hawada baruçı konśert özelä.
Ukraina saqlanu ministrlığı süzçese Aleksandr Mośuyanik ukrainalı ğaskärilärneñ başqala Kiyevqa kerergä mataşqan Rusiyä berleklären qaladan 70 çaqrımğa yıraqlaştıruın, qayber töbäklärdä isä basıp aluçılarnın 35 kilometrğa çigenüen belderde.
Ukrainanıñ qorallı köçläre, monnan tış, kiçä Sumi töbägendä Trostyanes qalası belän Zaporojyeda Poltovka awılın rus berleklärennän kire alğan.
Slavutiç qalası mêrı Yuriy Fomiçev isä şähärneñ Rusiyä tarafınnan basıp alınuın belderde.
Ukraina viśe-prem’yerı İrina Vereçuk soñğı 24 säğat’tä gumanitar koridorlar aşa kübese mariupol’le 5 meñ 208 grajdanlını tınıç urınğa êvakuaśiyäläwlären äytte. Ul 26nçı martta 10 koridornıñ êşläwen belderde.
