Angliyä yaña sankśiyälär kertüen belderde

Angliyä 65 rus êşmäkäre häm firmalarına sankśiyä kertüen belderde.

İlneñ tışqı êşlär ministrlığı bügen yasağan açıqlawında Rusiyä timer yulları häm xärbi şirkät Vagner törkemeneñ 24nçe fevral’dä başlanğan basıp aluğa yärdäm itüe öçen êmbargo qısalarına kertelüen, keşesez hawa apparatı çığaruçı Kronştadt firmasınıñ da isemlektä buluın citkerde.

Çikläwlär kertelüçelär arasındağı Al’fa bank bar. Anıñ tözüçe urtaqları Mixail Fridman, Pyetr Aven häm German Xan monnan alda uq sankśiyägä êläkkän ide.

Dön’yadağı iñ zur almaz çığaruçı häm bazar bäyäse 4,69 milliard fundt sterling bulğan Alrosa şirkäte dä Angliyä sankśiyäläre isemlegendä.

Rusiyä tışqı êşlär ministrı Sergey Lavrovnıñ başqala Londonda 4 million funt sterling bäyäsendä mölkäte bulğan ügi qızı Polina Kovalyeva da çikläwlärdän çittä qalmadı.

Sankśiyägä duçar bulğan tağın ber isem - Rusiyä tarafınnan Ukrainada Melitopol’neñ “mêr”ı iğ’lan itelgän Galina Danil’çenko.