Bolgariyä Putinğa birgän maqtawlı isemne kire aldı

Bolgariyädä 2009nçı yılda Rusiyä däwlät başlığı Vladimir Putinğa birelgän “maqtawlı doktorant” iseme kire alındı. Anı ilneñ Veliko Tırnovadağı Sveti Kiril i Metodiyi universitetınıñ akademik şurası ul waqıtta xökümät räise bulğan Putinğa “zamança dön’yadağı tınıçlıqqa kertkän öleşe” öçen tapşırğan ide.

Uqu yortınıñ rektorı Kirill Bojilov Bolgariyäneñ milli radiosına interv’yusında bolay dide: “Min tözettergän maxsus komissiyä 13 yıl êlek çığarılğan qararnıñ säbäplären tikşerde häm isemneñ qanunsız räweştä birelüen açıqladı”.

Ul universitetnıñ yaña qararınıñ säyäsi nigezgä tayanmawın söyli.

“Yäşel xäräkät” dip yörtelüçe ictimağıy oyışma Putinğa birelgän isemne ğamäldän çığaru öçen ber ay êlek iniśiativa başladı.   

Vladimir Putin xökümät räise çorında täwge çit il säfären 2003nçe yılda Bolgariyägä yasağan ide. Ul 2008nçe häm 2010nçı yılda da älege däwlätkä bardı.

2010nçı yıldağı säfäre waqıtında Bolgariyäneñ ul çordağı xökümät räise Boyko Borisov Putinğa êt balası büläk itte.