Angliyä Zelenskiy häm ğailäsenä sıyınu täq'dim itkän

Angliyä xökümäte räise Boris Djonson, Rusiyä Ukrainağa höcüm itkännän soñ, däwlät başlığı Vladimir Zelenskiy häm ğailäsenä Böyekbritaniyädä sıyınu täq’dim itüen, tik Ukraina liderınıñ monı kire qağuın belderde. Djonson bu xaqta “Sunday Times”qa interv’yu birde.

“Zelenskiy härwaqıt açıq ide. Wazıyfası Ukraina xalqı yanında bulu, anda qalaçaq, alar turında qayğırtaçaq,”-dip söyläde ul häm aña xäyranlıq toyuın äytte.

Djonson Zelenskiynı xalıqnı bergä tuplağan häm dön’yanı xäräkätkä kitergän “kaxarman suğış liderı” bularaq tasvirlıy.

AQŞ ilbaşı Djo Bayden da Rusiyäneñ höcümnäre başlanğannan soñ Zelenskiynı Ukraina başqalasınnan êvakuaśiyälärgä täq’dim itä. Zelenskiy isä Baydenğa: “Qaçarğa tügel, qorallarğa ixtiyacım bar,”-dip cawap birä.