"Rusiyäneñ suğışu mömkinlekläre naçaraydı"

Ukraina üzenä höcüm itkän Rusiyä qorallı köçläreneñ 40%ınıñ suğışu mömkinlegen yuğaltqan yäisä tulısınça yuq itelgän buluın belderde.  

Ukraina ğomumştabı suğış belän bäyle soñğı mäğ’lümatlarnı urtaqlaştı. Anda barı Ukrainanıñ Çernobayevka töbägendäge bäreleşlär waqıtında ğına da Rusiyä armiyäseneñ 7 xärbi boralağınıñ bärep töşerelüe asszıqlana.

Şul uq waqıtta, Angliyä saqlanu ministrlığınıñ köndälek küzläw xisabında bolay diyelä: “Rusiyä Ukrainadağı ülgän xezmätkärläre urınına torğan sayın tağın da kübräk östämä berleklär kertergä tırışa. Bu yuğaltularnıñ näticäsendä, Rusiyägä Ukrainanıñ köçle qarşılığı aldında höcüm operaśiyälären alıp baruı qıyın bulaçaq”.

Xisapta Rusiyäneñ keşelären yuğaltuı däwam itüe arqasında basıp alğan cirlärne qulında totuı häm iminlegen täêmin itüe awırlaşaçağı belderelä.