Ukrainadan kürşe illärgä kitüçelär sanı könnän kön arta
Alarnıñ sanı 2 million 498 meñne uzıp kitkӓn
1794014
24 nçe fevral’ – 10 nçı mart könnӓrendӓ Ukrainadan kürşe illärgä küçkӓn möhacir sanı 2 million 498 meñne uzıp kitkӓn.
Bu xaqta BMOnıñ migrantlar yuğarı komissariatı xӓbӓr itӓ.
Ukrainadağı suğıştan qaçuçılarnıñ yartısınnan kübrӓge Pol’şağa kitte. Alarnıñ sanı – 1 million 524 meñ 903.
Vengriyägä – 225 meñ 46, Slovakiyägä - 176 meñ 92, Rumıniyägä - 84 meñ 671, Rusiyägä - 99 meñ 831, Moldovağa – 104 meñ 929, Belarus’qa – 858 häm başqa Awrupa däwlätlärenä 282 meñ 497 möhacir kitte.
Doneśk häm Lugansk töbäklärennän 18nçe fevral’dän 23enä qadär 96 meñ keşeneñ Rusiyägä kitüe terkälä.
BMOnıñ migrantlar yuğarı komissariatı, Ukrainada kiyerenkelek artqan oçraqta, ildän 4 million tiräse keşe qaçarğa mömkin dip kisӓtkӓn ide.