"Ukrainada keşe üterü tuqtatılsın"
Antonio Guterriş Ukrainanıñ Mariupol’ qalasındağı bala tudıru xastaxanäsenä höcümne ğayepläde
BMO ğomum särqatibe Antonio Guterriş Ukrainanıñ Mariupol’ qalasındağı bala tudıru xastaxanäsenä höcümneñ qurqınıç buluın belderep: “Bu mäğ’näsez köç qullanu tuqtatılırğa tiyeş. Üterülärne tuqtatığız,”-dide. Ul üzeneñ Twitter akkauntındağı yazmasında ukrainalı tınıç xalıqnıñ üzläre belän bernindi bäyläneşe bulmağan suğışta awırlıq çigülären äytte.
Guterriş, monnan tış, Germaniyä kanślerı Olaf Şol’ś häm Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’ belän Ukrainadağı krizis turında söyläşte. Anda suğışnı tuqtatu öçen tırışlıqlar xaqında süz bardı.
Ukraina däwlät başlığı Vladimir Zelenskiy kiçä sośial’ media aşa yasağan belderüendä Rusiyä berlekläreneñ Mariupol’dä balalar häm tudıru xastaxanäsenä turıdan höcüm itüen häm cimereklär astında qalğan sabıylarnıñ buluın belderde.
