Ukrainada 5 şähärdä atışu tuqtatıla

Rusiyä Ukrainada başqala Kiyevnı da kertep 5 şähärdän grajdanlılarnı êvakuaśiyäläw öçen Mäskäw waqıtı belän säğat’ 10nan başlap qabat waqıtlıça utnı tuqtatu iğ’lan itüen belderde.

Rusiyä saqlanu ministrlığına bäyle İdarä üzägennän belderelgänçä, Ukraina qalalarında gumanitar xälneñ awırlaşuı citkerelgän. Şuña kürä grajdanlılar häm çit il keşeläreneñ iminlege täêmin itelü ähämiyätle.

“Rusiyä 9nçı martta Mäskäw waqıtı belän säğat’ 10nan başlap utnı tuqtatuın iğ’lan itä häm gumanitar koridorlar oyıştırırğa äzer” diyelä belderüdä.

Ukrainanıñ Kiyev, Çernigov, Sumi, Xarkov’ häm Mariupol’ şähärlärendä êvakuaśiyälär öçen gumanitar yärdäm koridorları buldırılaçaq. Ukraina tarafına älege koridorlarnıñ êşläw säğat’lären bilgeläw mäs’äläsendä Mäskäw waqıtı belän tönge säğat’ 3kä qadär kileşergä täq’dim itelde.

Belderüdä êvakuaśyä waqıtında bilgelängän marşrutlarda iminlekne Ukraina idaräse täêmin itärgä tiyeşlege assızıqlandı.