Rusiyӓneñ höcümnӓre 8nçe könendä

Rusiyӓ armiyaseneñ Xar’kov töbӓgenӓ bӓyle İzyum şӓhӓrenӓ hawadan höcüm oyıştırdı, höcümdӓ tınıç xalıqtan 8 keşeneñ ğomere özelde. Alardan 2ese – balalar.

İzyum mêrı urınbasarı Volodimir Maśokin Facebook akkauntında açıqlaw yasap, rus köçlӓreneñ şӓhӓrne çimerӓ başlawın ӓytte.

Maśokin höcümnӓrdӓ 8 ğayepsez keşeneñ ülüen, alardan ikeseneñ balalar buluın belderde.

Ukrainanıñ Ğadӓttӓn tış xӓllӓr xezmӓttӓn yasalğan açıqlawğa kürӓ Çernigov şӓhӓrendӓge yağulıq depolarına Rusiyӓ armiyase ut açqan, depolarda yanğın çıqqan.

Açıqlawdan kürengӓnçӓ 5 meñ m3 lık dizel’ yağulıq bulğan urın yana.

Rusiyӓneñ höcümnӓre dӓwam itkӓn Ukrainada Kiyev qarşılıq kürsӓtügӓ ӓzerlӓnӓ.

Şӓhӓrneñ şaqtıy urınında barrikadalar qorıldı, rus xӓrbilӓre hӓm tanklarının kerüenӓ qarşı çaralar kürelӓ.

Prospektlarda okoplar qazıldı, qayber küperlӓr qullanılmaz xӓlgӓ kilgӓn.

Rus xӓrbi konvoylarının berniçӓ kön buyı başqalağa taba baruı belenӓ.

Şӓhӓrdӓ kiçӓ kiçke sӓgӓt’lӓrdӓ işetelgӓn sirenalardan soñ zur şartlaw tawışı işetelde.

Ukrainanıñ êçke êşlӓr ministrı Anton Geraçenko Rusiyӓneñ Kiyevdağı üzӓk cılıtu sistemalarına ut açuın açıqladı.

Meñnӓrçӓ keşe töbӓktӓn êvakuaśiyalӓnde, Kiyevnıñ qayber rayonnarı cılılıqsız qaldı.

Rus köçlӓreneñ başqalağa yaqınayuı xӓbӓrennӓn soñ şӓhӓr xalqı köndezge sӓgӓt’lӓrdӓ öylӓren taşlap, imin urınnarğa sıyındı.

Qayberӓwlӓr yabulı avtopark, qayberlӓre isӓ metro stanśiyalӓrenӓ kerde.

Rusiyӓ raketaları kiçӓ şӓhӓrdӓge televideniye manarasına ut açqan ide.