Ukraina belän teläktäşlek uram cıyınnarı
Germaniya başqalası Berlinda Rusiyäneň Ukrainada başlatqan höcümnäre protest itelde
Sişämbe könne kanśler binasınıň aldında cıyılğan yözlägän keşe “Ukraina belän bergä bul”, “Ukrainalılarnıň ğomeren qotqarığız, suğışnı tuqtatığız”, “NATO hawa kiňlegen yap” häm “Ukrainağa yärdäm itegez” yazuların kütärde.
Protestçılar Rusiyägä qatı sankśiyälärneň kertelüen häm Ukraina xalqı belän xärbilärenä yärdäm kürsätelüen teläde. Uram cıyını ütkärelgän mäydanda urnaştırılğan zur êkran aşa Ukranadağı wazğıyätne aňlatuçı videoyazma häm fotosürätlär kürsätelde.
Greśiya başqalası Afinada da parlament binası urnaşqan Sintagma mäydanında Ukraina belän teläktäşlek cıyını oyıştırıldı.
Afinada yäşäwçe ukrainalılarnıň çaqıruı belän oyıştırılğan uram cıyınında protestçılar Rusiyägä qarşı yazular kütärde.
Gruziya başqalası Tbilisida da uramğa çıqqan watandaşlar, Rusiyä- Ukraina suğışında Tbilisi citäkçelegen Ukrainağa citärle yaqlaw kürsätmäwdä gäyepläp, Baş ministr İrakli Garibaşviline wazıyfadan kitärgä çaqırdı.
Rusiyäneň regional’ säyäsätenä reakśiya kürsätkän protestçılar, Ukraina belän teläktäşlek şiğarlären äytep, bu ilneň Awrupa Berlege äğ’zalege öçen yasağan möräcäğäten dä yaqladı.
Ukraina belän bergä Gruziyanıň da Rusiyäneň basıp alu säyäsätennän täêsirlängän il buluın belderüçe protestçılar här ike ilneň tiz arada NATO äğ’zase buluın teläde.
Braziliyanıň Sao Paulo şähärendäge Paulista bul’varında da Ukrainağa teläktäşlek uram cıyını ütkärelde. Protestçılar kütärgän yazuları belän Rusiyägä reakśiya kürsätte.
