Zelenskiy Awrupağa: “Bezneñ belän bergä buluığıznı isbatlağız”
Ukraina İlbaşı Vladimir Zelenskiy, Awrupa illärenä möräcäğät itep: "Sez bulmasağız Ukraina yalğız qalacaq. Köçebezne isbatladıq. Sez dä bezneñ belän bergä buluığıznı isbatlağız. Bezne yalğız qaldırmayaçağıznı isbatlağız”, - dip äytte
Ukrana İlbaşı Vladimir Zelenskiy, Awrupa parlamentınıñ Ukraina belän teläktäşlek öçen oyıştırğan çirattan tış utırışında video êlemtä belän çığış yasadı, Awrupa illärennän yaqlaw soradı.
Awrupa parlamentı Rusiyäneñ Ukrainağa höcüme arqasında Bel’giya başqalası Bryussel’dä çirattan tış utırış oyıştırdı.
Utırışta Zelenskiy dä video êlemtä belän qatnaşıp çığış yasadı. Zelenskiyneñ çığış yasayaçağı utırıştan qısqa waqıt êlek iğ’lan itelde.
Zelenskiy yış-yış ayaqürä alqışlanğan çığışında Rusiyägä qarşı xörriyätlären yaqlarğa däwam itäçäklären äytte.
Rusiyäneñ basıp aluına qarşılıq kürsätülären häm xörriyätlären saqlarğa tırışaçaqların äytüçe Zelenskiy ciñäçäklärenä ışanuına basım yasadı.
Zelenskiy tığız höcüm astında buluların, Xar’kovnıñ bügen ike raketa höcümenä duçar buluın iskärtep uzdı. Xar’kovtağı İrek mäydanınıñ Awrupanıñ iñ zur mäydanı buluın häm bügen xörriyätläreneñ höcümgä duçar buluın belderüçe Zelenskiy: "Berkemdä iregebezgä qatışa almayaçaq. Berkem dä bezne izä almayaçaq. Bez köçle”, - dip äytte.
Kiçä 16 balanıñ höcümdä häläq’ buluın citkerüçe Zelenskiy Rusiyä räsmiläreneñ xärbi qorılmalarnı atıp tiderüe turındağı süzlärenä: "Bez balalarıbıznı canlı kürergä telibez. Qaysı bala xärbi qorılmalada êşli ala inde”, - dip cawap qaytardı.
Zelenskiy: "Awrupanıñ tigez äğ’zase bulırğa telibez. Bügen şuşındıy buluıbıznı kürsättek, dip ışanam. Awrupa Berlege bezneñ belän tağın da köçle bulaçaq. Sez bulmasağız Ukraina yalğız qalacaq. Köçebezne isbatladıq. Sez dä bezneñ belän bergä buluığıznı isbatlağız. Bezne yalğız qaldırmayaçağıznı isbatlağız”, - dip äytte.
