Qıtay: "Rusiyä belän xezmättäşlek itäçäkbez"

Qıtay tışqı êşlär ministrlığı Rusiyä belän säwdä mönäsäbätlären özmäyäçägen belderde. Ministrlıq wäkile Van Venbin’ matbuğat oçraşuında: “Rusiyä belän üzara xörmät, mänfäğat’ häm tigez xoquqlılıq nigezendä säwdä xezmättäşlegen däwam itäçäkbez,”-dide.

Qıtay wäkile Könbatış illäreneñ Rusiyäne SWIFT sistemasınnan çığaru qararına da bäyälämä birde. Ul xalıqara xoquqqa tayanmawçı ber’yaqlı sankśiyälärgä qarşı çığuların assızıqladı.

Van Venbin’ sankśiyälärneñ problemanı çişü urınına yaña qıyınlıqlar kiterep çığaruın isäpsez faktlar raslawın äytte. Ul sankśiyälärneñ barlıq yaqlarğa iq’tisadi zarar birep kenä qalmawın, şul uq waqıtta, säyäsi çişeleş prośessına da naçar täêsir yasayaçağın belderde.