Greśiyä: "Bez Ukrainadan migrantlarnı qabul itärgä äzer"

Greśiyäneñ Ukrainadan kilüçe möhacirlärne qabul itärgä äzer buluı belderelde. İlneñ xökümät räise Kiriyakos Miçotakis parlamentta Rusiyäneñ Ukrainağa höcüme belän bäyle çığışında suğışnıñ yözlägän meñ keşene yäşägän urınnarınnan kitärgä mäcbür itüen assızıqladı.  

“Böten Awrupa şikelle bez dä suğıştan qaçuçı migrantlarnı qabul itärgä äzer,”-dide ul.  Miçotakis ictimağıy oyışmalarnı bu êştä yärdäm itärgä çaqırdı.

 Xökümät räise Awrupanıñ iminlege öçen strategik avtonomiyäneñ ähämiyätle buluın assızıqladı häm Awrupa illäre arasında saqlanu tarmağında xezmättäşlekne arttıru kiräklegen äytte.

Miçotakis tabiğıy gaz häm êlektr ênergiyäse bäyäläreneñ artu ixtimalına da iğ’tibarnı cälep itte. Ul Greśiyäneñ häm Awrupanıñ ênergetika qurqınıçsızlığı öçen tiz arada Rusiyä çığanaqlarınnan bäysez bulu kiräklegen belderde.