“Ukrainadan isän qayt”

Ukraina üterelgän yäisä äsirlekkä töşkän Rusiyä soldatları öçen “Ukrainadan isän qayt” iseme astında maxsus êlemtä yulı buldıraçaq. Bu xaqta ilneñ êçke êşlär ministrlığı kiñäşçese Anton Geraşçenko belderde.  

“Bu telefon êlemtäse aşa tuğannarığıznıñ (Rusiyä ğaskäriläre) isänme, äsirlektäme, yaralımı ikänen häm ülgän yaqınığıznıñ mäyeten qayçan, niçek alaçağığıznı belä alasız. Monnan tış, iregez häm ulığız öçen qısqa xäbär qaldırırğa mömkin,”-dide ul.

Ukrainanıñ bu adım belän Rusiyä idaräsenä basımnı arttırunı maqsat itep quyuı uylanıla.

Kiyev citäkçelege 3 meñ 500dän artıq rus soldatınıñ üterelüen citkerä. Wäqalätlelär äsirlekkä töşkän xärbilärneñ videoları häm söyläşülären jurnalistlar belän urtaqlaşa.