YUNİSEF Ukrainalı balalar öçen borçıla
Bu xaqta YUNİSEFnıñ ğomüm direktorı Katerin Rassel belderde
Berläşkän Millätlär Oyışmasınıñ Balalarğa yärdäm kürsätü fondı YUNİSEF Rusiyäneñ Ukrainağa qatışuınıñ 7 million yarım balanıñ tormışı öçen yanaw barlıqqa kiterüennän tirän borçu toyuın belderde.
YUNİSEFnıñ Amerikalı ğomüm direktorı Katerin Rassel yazma açıqlaw yasap, front liniyasennän oyıştırılğan höcümnärneñ Ukrainadağı suütkärgeçlär häm uqu yortlarına zıyan saluın citkerde.
“YUNİSEF Ukrainada üsüçe doşmanlıqlarnıñ ildäge 7 million yarım balanıñ tormışı häm isänlegenä yanaw tudıruınnan borçu toya. Bäreleşlär tuqtamasa, 10 meñnärçä ğailä yortsız qala alaçaq häm humanitar ixtıyaclar dramatik räweştä arta ala,” – dide ul.
Rassel YUNİSEFnıñ balalar öçen tormış qotqaruçı programmalarnı cäyü öçen Ukrainanıñ könçığışında êşçänleklär alıp baruın äytep: “Ukrainalı balalar tınıçlıqqa moxtac,” – dide.
