Küp tawış ülemgä kiterä

Berläşkän Millätlär Oyışmasınıñ Tirä-yaq moxitnı saqlaw programması äzerlägän 2022nçe yılğı xisabında megapolislarda artqan tawış, urman yanğınnarınıñ klimat üzgäreşenä täêsire häm klimat üzgäreşeneñ êkologik balansta kiterep çığarğan problemalar quzğatıldı.

Xisapka kürä şähärlärneñ könnän-kön üsüe näticäsendä artqan tawış citdi êkologik sälamätlek riskına äylänä.

Şähärlärdä tirä-yaqtan kilüçe tawışnıñ deŝibel külämeneñ artuı keşelärdä citdi psixik sälamätlek problemalarına iltä, cänleklärdä dä totış üzgäreşe küzätelä.

Xisapta urın aluçı tikşerenü näticälärenä kürä Awrupada yaqınça 22 million keşene tirä-yaqtan kilüçe tawış tınıçsız itä, 6 million yarım keşedä küp tawış arqasında yoqı problemaları kürelä.

Zur şähärlärdäge tawış Awrupada yılda urtaça 48 meñ işemik yöräk awıruın kiterep çığara, küp tawış här yıl urtaça 12 meñ waqıtsız ülemgä kiterä.

Xisaptan kürengänçä iñ tawışlı şähärlär tübändägelär: N’yu-York, London, V’yetnamnıñ Xoşimin şähäre, Bangladeş başqalası Dakka, Paqıstan başqalası İslamabad.