VİÇtan terelde

Täwge tapqır ber xatın – qıznıñ, däwalanğannan soñ, SPİD awıruına kiterüçe VİÇ infekśiyäsennän qotıluı alğa sörelä.  

BBCdä urın alğan xäbärgä qarağanda, Amerikada yäşäwçe älege awıruğa VİÇqa qarşı tabiğıy immunitetı bulğan berennän käwsä küzänäk küçerep utırtalar. Xäzerge waqıtta leykemiyädän däwalanuçı xatın-qıznıñ inde 14 ay qurqınıç infekśiyädän çistarınğan buluı belderelä.

Xastanıñ VİÇtän qotılğan öçençe keşe häm täwge xatın-qız buluı alğa sörelä.

Tik belgeçlär käwsä küzänäk küçerep utırtunıñ VİÇ yoqtırğan keşelärneñ kübese öçen turı kilmäwen häm xätär buluın söyli.

Virustan qotılğan xastanıñ oçrağı Denverda ber mediśina konferenśiyäsendä täq’dim itelde häm, şulay itep, bu ısulnıñ VİÇ öçen näticäle buluı täwge tapqır açıqlandı.

Awıruğa käwsä küzänäkne yaman şeştän däwalawnıñ ber öleşe bularaq küçerep utırtalar. Häm şul waqıttan birle anıñ VİÇlılar qullana torğan darularğa ixtiyacı yuq.

Bu - Amerika Quşma Ştatlarında yaman şeş häm başqa citdi xastalıqlarnı däwalaw öçen ber ük tördäge qan salınğan VİÇ infekśiyälelärne tikşerüçe kiñ külämle êksperimentnıñ ber öleşe bula. Ğalimnär şulay itep immun sistemasınıñ virusqa qarşı toruçanlığın arttırıp buluına ışana.