İzrail tarixinda täwge säfär

İzrail xökümäte räise Naftali Bennett ileneñ tarixında berençe tapqır Baxreynğa säfär yasayaçaq. Bu xaqta ministrlar kabinetı yazmaça belderü yasadı. Anda äytelgänçä, İzrail tarixında täwge märtäbä xökümät räise Baxreynğa räsmi säfär belän bara. Bu vizitnıñ Baxreyn täxet prinśı häm xökümäte citäkçese Sälman bin Xamed Al Xalifäneñ çaqıruı buyınça tormışqa aşırıluı da belderelä.

İke lidernıñ oçraşıp däwlätlär arasındağı mönäsäbätlärne köçäytü yulları xaqında söyläşäçäge küzallana. Alar texnologiyä häm innovaśiyädän totınıp bik küp tarmaqta xezmättäşlekne üsterü turında fiker alışaçaq.