Keşe qulı timäsen

Avstraliyäneñ Kuinslend universitetı belgeçläre keşelär bozıp betergän häm hiç qağılmağan yar buyların açıqlaw öçen êşçänlek alıp bardı. Anıñ maxsus kartasın da yasadılar.

Belgeçlär açıqlağança, 2013nçe yıldan birle dön’yada yar buylarınıñ barı 15%ı ğına bozılmıyça saqlanğan. Anıñ kübese Kanadada.

Universitetnıñ Cir yöze häm tabiğat’ mäktäbennän Bruk Uil’yams suüsemnär, savannalar häm märcän rifları bulğan yar buyı töbäkläreneñ  keşe basımına iñ nıq duçar bulğan mäydannar ikänen citkerde. Ul xökümätlärne bozılmağan cirleklärne saqlarğa, bozılğannarın qabat torğızırğa çaqırdı.

Tikşerenüdä açıqlanğança, yar buyı töbäklären yuq itü andağı törlär häm yäşäw urınnarına ğına tügel, bik küp keşeneñ sälamätlegenä dä yanıy.