Blinken beläb Kuleba Rusiyä-Ukraina krizisı xaqında söyläşte

Amerika Quşma Ştatlarınıñ däwlät särqatibe Êntoni Blinken häm Ukraina tışqı êşlär ministrı Dmitro Kuleba telefon aşa Rusiyä belän krizis xaqında söyläşte.

AQŞ däwlät departamentınnan yasalğan yazmaça belderüdä bolay diyelä: “Söyläśüdä Rusiyäneñ çik buyınça xärbilärne kübäytüe, Ukraina häm Amerikanıñ Rusiyäne diplomatiyäne däwam itärgä, iminlek häm totrıqlılıqnı saqlarğa künderü öçen yasağan adımnarı turında süz bardı.”

Blinken Ukraina wäqalätlese belän söyläşüdä Rusiyä tışqı êşlär ministrı Sergey Lavrov belän bulğan fiker alışu xaqında da mäğ’lümat birä. Anda däwlät särqatibe AQŞnıñ Rusiyä belän ikeyaqlı qurqınıçsızlıq belän bäyle borçularnı urtağa salıp söyläşergä äzer buluın äytä, şul uq waqıtta, Ukrainanıñ suverenlığı häm cir bötenlegenä qaqşamas teläktäşlegen dä iskä töşerä.

Blinken kiyerenkelek üskän oçraqta Rusiyäneñ cawap biräçägen dä belderä.