Xusilärneñ höcümnärendä 296 bala ğomeren yuğaltqan

Yämänneň Marib qalasında 2014 nçe yılnıň oktyabrennän 2021 nçe yılnıň dekabrenä qadär İran yaqlaw kürsätkän xusilär oyıştırğan höcümnärdä 296 balanıň ğomere özelgän, 732 bala yaralanğan.

Bu xaqta Maribtağı Keşe xoquqları ofisınıň “Balaçaqnı üterü” isemle xisabında citkerelä.

Xisapta äytelgänçä, monnan tış qayber balalar höcüm, cäfalaw-intekterü, qoral qullanuğa mäcbür itügä duçar bulğan.

 “Balaçaqnı üterü” isemle xisapta yazılğança, xusilär Maribta häm anıň tiräsendä 1 meň 748 balağa suğışu öçen mäcbüri räweştä qullarına qoral birgännär, bolardan 124 e ülgän, 529ı yaralanğan , 323 balanıň yazmışı bilgele tügel, qalğan balalar haman da suğışçılar safında suğışa.

İran yaqlaw kürsätüçe xusilär Yämändä 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.  

Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ mart ayınnan birle xusilärgä qarşı Yämän xökümätenä yaqlaw kürsätä.

İlneň şaqtıy töbäklärendä bäreleşlär özleksez däwam itä.