Burkina-Faso ilbaşı wazıyfasınnan kitärgä mäcbür buldı

Burkina-Fasoda xärbilär tarafınnan qulğa alınğan ilbaşı Rok Kristian Kabore üz teläge belän wazıyfasınnan kitte. Ul quldan yazılğan häm ildä tözelgän yaña xunta xökümätenä möräcäğat’ itkän xatında yäkşämbe könennän birle bulğan waqıyğalardan soñ cämäğat’çelekneñ mänfäğat’läre öçen barlıq wazıyfalarınnan kitüen citkerä.

Kaborenıñ xatın sośial’ mediada bik küp akkaunt urtaqlaştı.

İldä yäkşämbe könne başlanğan xärbi aktivlıqtan soñ kiçä kiç üzlären “Azatlıq häm torğızu öçen patriotik xäräkät” dip yörtüçe xunta idaräne qulına töşerüen belderde. Alar Konstituśiyäneñ êşçänlege tuqtatılıp toruın, xökümät häm parlamentnıñ taratıluın, tön urtasınnan başlap hawa häm cir çikläreneñ yabılaçağın, ikençe qararğa qadär säğat’ kiçke 9dan irtänge 5kä qadär komendant säğate kertelüen citkerde.