Keşe üterüçe êtlär

Dön’yada här yıl yaqınça 35 meñ keşe êtlär höcümennän ülä.

Germaniyädäge statistika şirkäte “Statista”nıñ xisabına qarağanda, ozınborın, keşe häm yılannan soñ dön’yadağı iñ ülemçel 4nçe can iyäse – êt.  Bigräk tä êt suğışlarında qullanu öçen genetikası üzgärtelep höcüm itü öçen üsterelgän törlär xätär. Andıylarnı totu bik küp illärdä tıyıla. Bu törlärgä tosa, burbul’, Amerika bul’dogı, Kanar dogı, Argentina dogı kerä.

Angliyädä qayber êt toqımnarın qaraw häm alarğa iyä bulu başta 1991nçe yılğı qanun belän köylände. “Xätär räweştä kontrol’dän çıqqan” tördäge êtne isä xätta şäxsi milektä totu 2014nçe yılda tıyıldı. Alarnı satu, taşlap qaldıru, başqasına birü yäisä ürçüenä yul quyu da qanunsız.

Franśiyädä xätär êt toqımnarı öçen ike klassifikaśiyä bar. Näsel dokumentları bulmağan agressiv törlärne ilgä alıp kerü tıyıla. İkençe kategoriyädäge qayber saf toqımlı êtlär öçen veterinariyä kontrole, däwlättän liśenziyä alu häm iminiyätläşterü mäcbüri.  

Amerika Quşma Ştatlarında isä 50 ştatnıñ 37sendä qayber törlärgä çikläwlär kertelgän. Tik federal’ xökümätneñ bu mäs’älädä qanun tözätmäläre yuq.