"Rusiyӓ bezne citdi mӓgnӓdӓ sınayaçaq"
Bu xaqta Amerika Quşma Ştatları ilbaşı Djo Bayden belderde
Amerika Quşma Ştatları ilbaşı Djo Bayden Rusiyӓneñ Ukrainanı yawlap alaçağın uylawın lӓkin nӓticӓseneñ Rusiyӓ öçen fӓlӓkӓt bulaçağın açıqladı.
Bayden dӓwlӓt başlığı wazıyfasınıñ berençe yıllığı unayınnan Aq Yortta matbuğat oçraşuı oyıştırıp, Rusiyӓ Ukrainanı yawlağan oçraqta monnan alda kürmӓgӓn awır iqtisadi nӓticӓlӓr belӓn oçraşaçağın belderep tübӓndӓgeçӓ citkerde: “Ukrainanı yawlap yawlamaw Rusiyӓgӓ bӓyle. Ukrainanı yawlağan oçraqta monıñ Rusiyӓ öçen qısqa, urta hӓm ozın möddӓttӓ citdi nӓticӓlӓre bulaçaq. Rusiyӓ bankları dollar belӓn körӓşӓ almayaçaq. Rusiyӓ Ukrainanı yawlasa, partnyerlarıbız hӓm berlektӓşlӓrebez belӓn Rusiyӓgӓ zıyan salaçaq citdi adımnar yasarğa ӓzer bez.”
Bayden Ukrainağa 600 million dollarlık xӓrbi kirӓk-yaraq cibӓrülӓren açıqladı.
Djo Bayden Rusiyӓ dӓwlӓt başlığı Vladimir Putin belӓn suğış telӓmӓwenӓ iğtibarnı cӓlep itep: “Rusiyӓ Könbatışnı, AQŞnı hӓm NATOnı citdi mӓgnӓdӓ sınayaçaq. Minemçӓ Ukrainağa kerӓçӓk,” – dide.
Rusiyӓneñ kileşü şartlarınnan berseneñ Ukrainanıñ NATOğa quşılmawı buluın assızıqlağan AQŞ liderı: “Hӓr ilneñ telӓgӓn oyışmağa quşılu xaqı bar. Lӓkin min qısqa möddӓttӓ Ukrainanın şartlarnı cirenӓ citkerep, NATOğa quşıla alaçağın uylamıym,” – dide.
