Koronavirustan ülgän jurnalistlar

Koronavirus kizüendä xäzergä qadär 94 ildän 2 meñ tiräse jurnalistnıñ ğomere özelde. Jenevadağı “Press Emblem Campaign” oyışması statistika kürsätkeçläre belän urtaqlaştı.

“Qayber däwlätlärdä jurnalistlarnıñ ülem säbäbe açıqlanmawı häm kategoriyägä kertelmäwe öçen çınlıqta bu san küpkä zurraq. Qayber illärneñ mäğ’lümatları isä ışanıçlı tügel. Şuña kürä 2 meñ ul iñ tübän faraz,”-diyelä oyışmanıñ belderüendä.

Kovid-19 vakśinası uylap tabılğannan soñ uzğan yıl jurnalistlarnıñ virustan ülem oçraqları kimegän.

İllär buyınça qarağanda, 4nçe xakimiyät wäkilläreneñ ğomere iñ kübe Braziliyädä özelä. Anda 2020nçe yılnıñ 1nçe martınnan birle 295 jurnalist Kovid-19 êläkterep ülä.

Tik  “Press Emblem Campaign” oyışmasınıñ Hindstan wäkile Nava Takuria beldergänçä, koronavirus säbäple bulğan barlıq ülemnär açıqlanğan oçraqta, Hindstanda kimendä 400 media xezmätkäreneñ älege çirdän kitüe kürenergä mömkin.