12nçe dozasın yasatırğa barğaç - êlägä

Hindstanda törle şäxes tanıqlıqları häm telefon nomerları qullanıp 11 tapqır koronavirus vakśinası yasatqan 84 yäş’lek keşene êläkterdelär. Ul inde 12nçe tapqır qadartırğa kilgän bula.

Braxmadeo Mandal tuğan-tumaçalarınıñ tanıqlıqların häm telefon nomerların alıp törle urındağı vakśina üzäklärenä bara. Şulay itep ul däwlät sistemasın aldawğa ireşä.

Mandal layıqlı yalğa çıqqan poçta xezmätkäre. Ul här vakśina yasatqannan soñ üzen tağın da yaxşı xis itüen söyli. Tik qartnı 12nçe dozasın qadatırğa barğaç êläkterälär. Xäzer annan soraw alalar. Mandal barı vakśinadan mömkin qadär kübräk faydalanıp qalırğa ğına teläwen äytä. “Xökümät iskitkeç närsä yasadı. Min vakśinanıñ faydasın kürdem. Şuña kürä qabat-qabat aldım,”-dip söyli pensioner. Ul koronavirus vakśinası arqasında suıq tiderep awırtmawın, üzen tağın da ênergiyäle xis itüen häm, xätta, xronik arqa sızlawlarınıñ da betüen äytä.