Yaña Zelandiyädä keçkenä balalarğa da vakśina qadıy başlıylar

Koronavirusqa qarşı vakśinalaştıru êşçänlege tizlätelgän Yaña Zelandiyädä 5tän 11 yäş’kä qadärge balalarğa da preparat qadıy başlıylar. Bu xaqta ilneñ Kovid-19 belän köräş ministrı Kris Xipkins belderde. Yaña Zelandiyädä daru häm mediśina cihazları iminlege oyışması Pfayzer-Biontex vakśinasınıñ balalar öçen çığarılğan versiyäseneñ qurqınıçsız häm êffektiv buluın rasladı.

5tän 11 yäş’kä qadärge balalarğa vakśina qadaw 2022nçe yılnıñ 17nçe ğıynvarınnan soñ başlanaçaq. Berençe dozadan soñ 8 atna uzuğa ikençese dä yasalaçaq. Yaña Zelandiyädä älege yäş’ törkemenä kerüçe 476 meñ bala bar. Ministr Xipkins äytüençä, soñğı waqıtta terkälgän yoqtıru oçraqlarınıñ 24%ın 11 yäş häm annan keçkenälär täşkil itä.  

Yaña Zelandiyädä vakśina yasalırğa tiyeşle xalıqnıñ 90%ı ike dozasın da qadatqan.