İndoneziyädä cir teträw

İndoneziyanıñ könçığışında cir teträw buldı.

Amerikanıñ geologik tikşerenülär oyışması anıñ 7,3 ball zurlığında buluın belderde.

Zilzilä ilneñ Flores utrawı sulıqlarında cirle waqıt belän säğat’ 11 tulıp 20 minutta 18,5 çaqrım tiränlektä terkälä. Annan soñ śunami kisätüe yasaldı.

İndoneziya afätlärne kimetü agentlığı wäkile Abdul Muxari cir teträwneñ töbäktä bik köçle xis itelüen äytte. “Älegä zarar kürü turında xäbär yuq, tik törkemnärebez mäğ’lümat cıyu öçen tırışa,”-dide ul.  

İndoneziyäneñ Sulavesi töbägendä ğıynvar ayında 6,2 ball zurlığında cir teträw buldı. Anda 100dän artıq keşeneñ ğomere özelde.