Kentukkida ğadättän tış xäl

Amerika Quşma Ştatları ilbaşı Djo Bayden Kentukki ştatında kim digändä 70 keşeneñ ğomeren özgän öyermä afäte arqasında Federal’ ğadättän tış xäl beldergesen imzaladı.

BBC beldergänçä Bayden öyermä iñ küp küzätelgän ilneñ urta könbatış ştatlarına yärdämneñ kürsätelüe öçen qulınnan kilgänne başqaraçağın belderde.

Afätneñ AQŞ tarixınıñ iñ zur öyermälärennän berse buluın assızıqlağan ilbaşı ştatka fond täêmin itüçe Federal’ ğadättän tış xäl beldergesenä qul quyuın citkerde.

Bayden yaqınnarın yuğaltqan häm älegä taba almağan keşelär öçen doğa uquın äytep: “Federal’ xökümät qulınnan kilgänne başqaraçaq, monı bergäläp uzdıraçaqbız,” – dide.

Bayden Federal’ ğadättän tış xäl belän idarä itü oyışması törkemnäreneñ bügen Kentukkiğa baraçağın, zur zıyan kürgän öylär belän öyläre cimerelgän keşelärgä yärdämneñ kürsäteläçägen belderde.