Yaña Zelandiyädä tämäke tıyılaçaq

Yaña Zelandiyä kiläse buınnarnıñ tämäke tartuınıñ räsmi räweştä tıyılaçağın belderde. Yaña çıqqan qarar nigezendä, xäzerge waqıtta 14 yäş’ häm annan keçkenälärneñ ildä qanunlı yullar belän berqyçan da tämäke satıp aluı mömkin bulmayaçaq.

“Tötensez Yaña Zelandiya” maqsatı quyğan xökümätneñ qararı belän tämäke satıp alu yäşe här yıl üsäçäk. 4 yıl êçendä ildäge xalıqnı tulısınça tartudan bizderergä telilär. Monıñ öçen tämäkelärdäge nikotin küläme çikländerelde, anı satuçı kibet sanı kimetelde häm bäylelektän qotqaru xezmätlärenä tağın da kübräk aqça bülep birelde. Çikläwlär êlektron tämäkegä qağılmıy.

“Sputnik”nıñ xäbärenä qarağanda, Yaña Zelandiya sälamätlek saqlaw ministrı urınbasarı Ayeşa Verrall bolay di: “Bügen xalqıbız öçen tarixi kön. Qarar ğamälgä kergäç, bügen 14 yäşendä bulğan beräw dä ğomere buyı biredä qanunlı räweştä tämäke almayaçaq”.

Älege ildä tämäke tartuçılarnıñ sanı 2010nçı yılda barlıq xalıqnıñ 18%ın täşkil itsä, 2018nçe yılda bu kürsätkeç 11,6%qa töşte.