Meksikada yök maşinası äylängän
Maşinada bulğan 54 qaçaqnıñ ğomere özelde
1745700
Meksikanıñ kön’yağında qaçaqlar utırğan yök maşinası äylände, 54 keşeneñ ğomere özelde.
Vilayät’ prokuraturasınnan yasalğan açıqlawğa kürä Çiapas vilayätendä qaçaqlar utırğan maşina avtoyul yanındağı diwarğa bärelep äylängän.
Hälakättä maşinadağı 54 keşe yaqtı dön’yadan kitte, 59 keşe yaralandı.
Räsmi zatlar beldergänçä qaçaqlardan kübese Gvatemala, Gonduras häm Sal’vador watandaşı bulğan.
Çiapas vilayät’ başlığı Rutilio Êskandon Tvitterda açıqlaw yasap, hälakätkä yulığuçılarğa yärdämgä kilülären, cawaplılarnıñ tabılaçağın citkerde.
