Germaniyädä yaña kanśler

Germaniyädä sośial-demokratlar partiyäse deputatı häm finans ministrı Olaf Şol’ś kanśler bularaq saylandı.

Bundestag räise Berbel’ Bas citäkçelegendä cıyılğan federal’ parlament yäşeren tawış birü uzdırdı. Şol’ś berençe turda qatnaşqan 707 deputatnıñ 395eneñ tawışın aldı. 303 xalıq ışanıçlısı aña “yuq” dide, 6sı ikelände. 3 tawış isä yaraqsızğa çığarıldı.

Şulay itep 63 yäş’lek Şol’ś xökümät räise bularaq saylandı. Ul İlbaşı rezidenśiyäsenä barıp däwlät başlığı Frank-Val’ter Ştaynmayerdan yaña wazıyfasına kereşü öçen raslaw dokumentı alaçaq häm Bundestagta kire qaytıp ant itäçäk.

Êlekkege kanśler Angela Merkel’ deputat bulmawı öçen tawış birüne tribunadan küzätte.  

Şol’ś 2007nçe-2009nçı yıllarda mäşğul’lek häm sośial’ êşlär ministrı, 2011nçe-2018nçe yıllarda Gamburg töbäge xökümäte räise häm 2018nçe-2021nçe yıllarda Germaniyä viśe-prem’yerı häm finans ministrı buldı.