Möselman deputatnı ülem belän qurqıtalar
AQŞta möselman deputat İlhan Omarğa qarata yanawlar kön üzägendä
1741818
Amerika Quşma Ştatlarında möselman deputat İlhan Omarğa qarata yanawlar kön üzägendä. Anı monnan alda cömhüriyätçe partiyädän Loren Bobert terrorçı dip atağan ide. Bu waqıyğa AQŞta şaw-şu quptardı. Şunnan soñ Omar belän Bobert telefon aşa söyläşte. Möselman deputat äytüençä, bu äñgämädä annan ğafu ütenmägännär. Söyläşüdän soñ isä İlhan Omarğa ülem belän yanawçı audioyazma kilä. Bu yazmanı deputat xanım jurnalistlarğa da tıñlattı.
Matbuğat cıyılışınnan soñ Demokratlar partiyäse deputatı Okasio Kortezdan Omarğa teläktäşlek kürsätelde. Ul Cömhüriyätçe partiyäse wäkillären bu yanawğa süz äytmäwdä ğayepläde häm partiyä êçendä rasaçıl söylämnärne üz itüçe Ku-kluks-klanğa oxşağan struktura barlıqqa kilüen belderde.