Êfiopiyada yaña ştat tözelde

Êfiopiyada sentyabr’dä uzğan referendumnan soñ räsmi räweştä “Kön’yaq-könbatış Êfiopiya” ştatı tözelde. Anıñ citäkçese Negaş Vageşo buldı.

Xökümät räise Abiy Äxmät yaña qorılğan töbäkneñ ildä säyäsi xoquqlarnıñ qullanıluı öçen başlanğan reformalarnıñ dälile buluın belderde.

30nçı sentyabr’dä uzğan referendumda Dauro, Benç-Şeka, Kön’yaq Omo, Kafa, Konta häm Şeko rayonnarında yäşäwçelär qatnaştı.

İldä 2020nçe yılda uzğan referendum näticäsendä kön’yaqtağı Sidama xalqı üz ştatların tözegän ide.

Êfiopiya êtnik nigezle 11 ştat häm Addis-Abeba belän Dire Dava şikelle maxsus şähär idarälärennän tora. İldä 80nän artıq êtnik törkem bar.

Här ştat suverenitet häm üz parlamentına iyä.