"Uzğan yıl 62 jurnalist wazıyfa başqarğanda ğomeren yuğalttı"
Bu xaqta BMO ğomum särqätibe Antonio Guterriş belderde
Uzğan yıl 62 jurnalist wazıyfa başqarğanda ğomeren yuğaltqan.
Berläşkän Millätlär Oyışması ğomum särqätibe Antonio Guterriş 2 nçe noyabr’ – jurnalistlarğa qarata cinayät’lärdä cäzasızlıq belän köräş köne uňayınnan cibärgän videoyullamasında “Yalğışlarnı tikşergän häm döresen söylägän jurnalistlardan başqa ber genä cämğıyät’ tä irekle bula almıy” dide.
Uzğan yıl wazıyfada waqıtta 62 jurnalistnıň üterelüen beldergän Guterriş soňğı yıllarda korrupśiya häm keşe xoquqların bozunı tikşergändä üterelgän jurnalistlar sanı artuğa basım yasadı.
Berläşkän Millätlär Oyışması ğomum särqätibe Antonio Guterriş jurnalistlarğa qarata êşlängän 10 cinayät’neň 9 ınıň cäzasız qaluın assızıqlap, alarnıň üz êşlären başqarğanda urlaw, qurqıtu häm intekterep cäfalaw kebek qurqınıçlarğa duçar buluın belderde.
Ul illärne jurnalistlarğa qarata êşlängän cinayät’lärne tikşerergä häm cäzasız qaldırmasqa çaqırdı.
