Kön’yaq Koreya Tön’yaq Koreya belän dialog urnaştıra
Kön’yaq Koreya İlbaşı Moon Jae-in wazıyfası waqıtında Tön’yaq Koreya belän tınıçlıq häm dialognıñ urnaştırıluı öçen tırışlıq kürsätäçägen belderde
Moon parlamenttağı çığışında Koreya yarımutrawında dialog häm diplomatiya yulı belän yaña tınıçlıq tärtibeneñ salınuına yärdäm itü öçen axırgaça tırışlıq kürsätäçägen äytte.
Kön’yaq Koreya liderı Amerika Quşma Ştatlarınıñ monnan aldağı İlbaşı Donal’d Tramp belän Tön’yaq Koreyalı wazıyfadaşı Kim Jong-un 2018nçe yılnıñ 12nçe iyün’ könne oçraşqan sammitnıñ oyıştırıluına yärdäm itüen, läkin tınıçlıqqa qağılışlı tırışularnıñ älegä tämamlanmawın iskärtep uzdı.
AQŞ belän Tön’yaq Koreya arasında atom-töş söyläşüläreneñ alıp barıluında möhim rol’ uynağan Moonnıñ 5 yıllıq wazıyfası 2022nçe yılnıñ may ayında tämamlana.
Oppoziśiya Koreya yarımutrawında xakimiyäte waqıtında konstruktiv qaraş totışında bulğan Moonnıñ şuşı alımınıñ Tön’yaq kürşeläre östendäge xalıqara basımnı köçsezlätüen belderä.
Moña bärabär tarafdarları Moonnı tınıçlıq urnaştıruçı aradaşçı bularaq kürä.
