"Ӓfğanstan xalqınıñ çit il pasportın alırğa xaqı bar"

Taliban citӓkçelege barlıq Ӓfğanstan xalqınıñ çit il pasportı alırğa xaqı buluın açıqladı.

Taliban waqıtlıça xökümӓteneñ Êçke êşlӓr ministrlığına bӓyle Çit il pasport ğomüm mödire wӓkile Alem Gül Xakkani BBCğa yasağan interv’yuda 15nçe avgustta tuqtatılğan pasport êşlӓre qabat başlanğannan soñ könenӓ yaqınça 4000 – 4500 pasport birülӓren hӓm barlığı birelgӓn çit il pasportı sanınıñ 46 meñgӓ citüen assızıqlap: “Barlıq Ӓfğanstan xalqınıñ pasport alırğa xaqı bar,” – dide.

Xakkani beldergӓnçӓ çit il pasportın birüçe ofislar barlıq xalıq xezmӓtenӓ açıq, çit ilgӓ kitӓrgӓ telӓgӓn hӓrkemgӓ dokument birelӓçӓk hӓm aldağı citӓkçelektӓn keşelӓrneñ dӓ pasport alularına uñay qarayaçaqlar.

Alem Gül Xakkani şulay uq xalıqnın kilӓçӓge öçen tırışlıq quyuların ӓytep, berkemneñ dӓ ildӓn kitӓrgӓ mӓcbür bulmawın belderde.