Äfganstanda açlıq arqasında balalarğa ülem qurqınıçı yanıy
Monıñ säbäbe – xalıqnıň finans xäleneň naçar buluı, balalarnıň citärlek däräcädä tuqlana almawları
Äfganstanda açlıq arqasında balalarğa ülem qurqınıçı yanıy.
Başqala Qabuldağı İndira Gandi balalar xastaxanäse tabibı Möxämmäd Ämin Şärifi yarlılıq arqasında balalarnıň citärlek däräcädä tuqlana almawların häm il külämendä balalarğa ülem qurqınıçı yanawın belderde.
Ul xastaxanädä distälägän balanıň tiyeşle külämdä tuqlana almaw arqasında kilep çıqqan awırulardan däwalanuların assızıqlap,”Bu awırunıň säbäbe – xalıqnıň finans xäleneň naçar buluı. Keşelär balaları turında qayğırta almıylar” dide.
Şärifi citärlek protein almağanğa balalarnıň êç kitü häm başqa aňa oxşaş çirlärdän integüenä basım yasap, “Balalardağı açlıq xälsezlek, talçığu barlıqqa kiterä” dide.
Möxämmäd Ämin Şärifi äytüençä, ildäge säyäsi totrıqsızlıq arqasında , däwlät oyışmalarında êşläwçelär 4 ay xezmät xaqı ala almıy. Qış kilü belän awırular artaçaq. Êşsezlek häm yarlılıq bik yuğarı däräcädä. Balalarnıň xäle äybät tügel.
Ul:”Bez xalıqara cämäğät’çelektän äfgan xalqına bulışuların sorıybız”,-dide.