Paqıstanda cirteträw bulğan
Berençe mäğlümatlarğa kürä afättä 20 keşeneñ ğomere özelde
1715942
Paqıstannıñ Belucistan vilayätendä barlıqqa kilgän 5,9 ball zurlığındağı cirteträwdä berençe mäğlümatlarğa kürä 6ısı bala bulğan 20 keşeneñ ğomere özelde, 300dän artıq keşe yaralandı.
Paqıstannıñ Milli seysmik küzätü üzäge êpiŝentrı Xarnai töbäge bulğan zilziläneñ cirneñ 15 çaqrım astında küzätelüen açıqladı.
Üzäk beldergänçä cirteträw Paqıstan waqıtı belän 03.20ta barlıqqa kilde, Ketta, Sibbi, Pişin häm Çamanda da xis itelgän.
Cirle matbuğattağı xäbärlärgä kürä 5,9 ball zurlığındağı zilzilädä 20 keşe yaqtı dön’yadan kitte, alarnıñ 6ısı – balalar.
Şaqtıy öy zıyan kürde, qayber töbäklärdä dä cir şuışuları barlıqqa kilde.
Êzläw-qotqaru êşçänlekläre däwam itä.
