Açlıq yanawı arta

Nigeriyada yäşägän urınnarın taşlap kitärgä mäcbür qalğan 10 millionnan artıq keşegä açlıq yanıy. İlneñ möhacirlär komissarı İmaan Söläyman İbrahim bu xaqta belderü yasadı. Ul azıq-tölek qurqınıçsızlığın global’ problema bularaq atıy häm xökümätneñ ildäge yaqlawçısız keşelärneñ aşığıç ixtiyacların qanäğat’länderü öçen yaña proyekt başlayaçağın belderä.

İbrahim Nigeriyada däwam itüçe êtnik, dini häm êçke bäreleşlärneñ azıq-tölek iminsezlegenä kiterüen assızıqladı. “Bu awırlıqlar ilneñ sośial’, iq’tisadi, säyäsi zäğıyf’leklären kiskenläşterä häm xatın-qızlar, yäş’lär, yäşägän cirlärennän küçerelgän keşelär, qaçaqlar, möhacirlär häm qartlara ayıruça qatı täêsir itä,”-dide ul.