Terrorçılar 52 keşene urladı
Urlanğan keşelärneñ yazmışı älegä qadär bilgele tügel
PKK terrorçı oyışması Ğıyraqnıñ Musul şähärenä bäyle Sincar rayonında 52 keşene urladı.
“Kurdistan 24” kanalındağı xäbärlärdä Peşmerge komandirı Şemo İdonıñ bu xaqtağı belderüläre yañğıradı. Ul urlanğan keşelärneñ yazmışınıñ älegä qadär bilgele bulmawın citkerde.
Ğıyraq xökümäte belän Ğıyraq körd regional’ idaräse arasında 2020nçe yılnıñ 9nçı oktyabrendä imzalanğan häm Sincardağı terrorçılarnı beterüne küzälläwçı kileşüdän soñ PKK cirlektä terraktlarnı arttırdı. Xäzer oyışmanıñ êşçänlegen Ğıyraqnıñ tön’yağında cäyelderergä tırışuı häm şunıñ belän iğ’tibarnı Sincardan yırağaytırğa mataşuı küzätelä.
PKKnıñ Ğıyraq körd regional’ idaräse töbägendä yözlärçä awılnı basıp aluı, tınıç protestlarnı köç qullanuğa yünältüe häm diplomatik missiyälärgä höcüm itüe belderelä.
Bäyläneşle xäbärlär
"Xar’kovnı qulğa töşerü planıbız yuq"
Vladimir Putin Qıtaydağı säfäre qısalarında jurnalistlarnıñ sorawlarına cawap birde