Ärdoğan häm Putinğa möhim çaqıru
BMOdan Süriyäneñ İdlib töbägendä tınıçlıqnı urnaştıru soraldı
Berläşkän Millätlär Oyışmasınıñ Süriyä maxsus wäkile Geyr Pedersen bügen küreşep söyläşäçäk Törkiyä ilbaşı Räcäp Tayyip Ärdoğan häm Rusiyä ilbaşı Vladimir Putinnan Süriyäneñ İdlib töbägendä tınıçlıqnıñ urnaştırıluın soradı.
Pedersen BMO İminlek şurasına brifingında İdlibtä häm Törkiyä-Süriyä çigendä yortsız qaluçılar yäşägän lager’larğa qarata höcümnärneñ artuına iğtibar cälep itte.
“İdlibtäge wazğıyät’neñ Putin-Ärdoğan söyläşüendä möhim mäs’älä bulaçağına ışanam häm täêsire bulğan bu liderlarğa tınıçlıq urnaştıru çaqıruın yasıym. Şaqtıy närsä moña bäyle,” – dide ul.
Wäkil Konstituŝiya komitetınıñ qabat cıyıluı öçen taraflarğa çaqırularnıñ cibärelüen äytep, komitetnıñ 6nçı cıyılışı öçen 18nçe oktäbr’dä Şveyŝariyaneñ Jeneva şähärendä bulaçağın, cıyılıştan ber kön alda isä räistäşlär belän küreşäçägen citkerde.
