Tön’yaq Koreya raketanı sınap qarağan
Yaponiya häm Kön’yaq Koreya Tön’yaq Koreyanıñ "ballistik" buluı farazlanğan raketa sınawın ütkärüen belderde
“Kyodo” agentlığınıñ Yaponiya xökümäte çığanaqlarına nigezlänep citkergän xäbärenä kürä, Tön’yaq Koreya ballistik raketa sınawın ütkärgän.
Raketanıñ “Yaponiyanıñ maxsus iq’tisad töbäge”nnän çittä kilep töşüe citkerelde.
Xäbärdä Yaponiya Baş ministrı Suga Yoşihideneñ xökümätneñ bäyläneşle oyışmalarına kötelmägän wazğiyätlärgä qarşı äzerlek ütkärü boyırığın birüe belderelde.
“Yonhap” agentlığınıñ Kön’yaq Koreya ğomum ştab räislege belderüenä nigezlänep citkergän xäbärenä kürä, Tön’yaq Koreya "bilgelänä alınmağan" raketanı ilneñ könçığış yar buylarına cibärgän.
Xäbärdä Tön’yaq Koreyanıñ bu ayda ikençe tapqır ballistik raketa sınawın ütkärüe iskärtelep uzıldı. 15nçe sentyabr’dä oçırtılğan ike ballistik raketa Yaponiyanıñ maxsus iq’tisad töbägeneñ êçenä kilep töşkän ide.
