"Bezgä xayvan kebek totış kürsätelde"

Amerika Quşma Ştatlarınıñ Texas ştatınnan çığarılğan gaitile qaçaqlar üzlärenä xayvan kebek totış kürsätelüen äytte.

İllärendäge iqtisadi krizis häm tabiğıy afätlär arqasında AQŞqa kitärgä mäcbür qalğan häm soñınnan ildän çığarılğan gaitilelär üzlärenä qarata naçar möğamälägä reakŝiya belderde.

“The Guardian” beldergänçä uzğan atnada AQŞtan Gaitiğa kire cibärelgän qaçaq sanı 2 meñgä citte. Bu qaçaqlardan Êvens Delva üzlären sıyır kebek cıyuların häm ğayeple keşelär kebek çılbır belän bäyläp quyuların belderde.

Delvanıñ xäläl cefete Maria isä: “Närsä xis itüebezne berqayçan da onıtmayaçaqbız,” – dide.

Cirle mediağa açıqlaw yasağan gaitile 30 yä’lek xatın-qız isä tübändägelärne citkerde: “Gaitilelärne qaraq kebek kürdelär. Bez qaraq tügel, barı tik yaxşıraq tormış êzlibez. Başqa millätlärdän keşelärgä bolay qılanmadılar.”

AQŞ xökümäte Meksika belän Texasnıñ Del’ Rio şähärçegen totaştıruçı küper astında qorılğan gaitile qaçaqlar lagereneñ çistartıluın belderde.

AQŞnıñ Gaiti maxsus wäkile Daniêl’ Fut gaitile qaçaqlarğa AQŞ-Meksika çigendä naçar totış kürsätelgännän soñ wazıyfadan kitte.