Tön’yaq Koreya üzenä birelgän vakśinadan baş tarttı
Däwlät preparatlarnıñ kizüdän tağın da kübräk zarar kürgän cirleklärgä birelergä tiyeşlegen belderde
1701543
Tön’yaq Koreya üzenä täq’dim itelgän yaqınça 3 million doza koronavirus vakśinasınıñ başqa illärgä cibärelüen teläde. Däwlät idaräseneñ süzçelärennän berse äytüençä, preparatlar kizüdän tağın da kübräk zarar kürgän cirleklärgä birelergä tiyeş.
Bötendön’ya sälamätlek saqlaw oyışması 19nçı avgusttan başlap Tön’yaq Koreyada koronavirus oçrağı kürenmäwen belderde. Atnalıq xisapta mediśina xezmätkärläre häm grippqa oxşaş bilgelär belän sırxawlanuçılarnı da kertep yaqınça 37 meñ 291 keşegä test yasaluın, barısınıñ da negativ çığuın citkerde.
Tön’yaq Koreya pandemiyäneñ başınnan birle qatğıy çaralar kürgän ide.
