Qabat canlı bomba şartlataçaqlar
Xalıqara iminlek çığanaqları qabat şartlawlar äzerlänüe xaqında mäğ’lümat citkerde
Äfğanstannıñ başqalası Qabulda bulğan canlı bomba höcümendä ülüçelär sanı 183kä citte. Xalıqara iminlek çığanaqları qabat şundıy uq şartlawlar äzerlänüe xaqında mäğ’lümat citkerde.
Äfğanstannan kitärgä teläwçelär Qabul aêroportı yanında kötüen däwam itä. AQŞ üzeneñ watandaşlarına annan yıraqlaşırğa quştı.
Törkiyä teleradiokompaniyäsenä interv’yuda xalıqara iminlek wäqalätleläre dä şähärdä yaña canlı bomba höcümnäre äzerlänüen citkerde.
AQŞ Qabul aêroportı yänäşäsendä bomba şartlatqan DEAŞqa qarşı operaśiyä oyıştırdı. Anda älege höcümne palnlaştırğan ber terrorçınıñ üterelüe belderelde.
AQŞ saqlanu ministrlığı süzçese Djon Kirbi DEAŞlı mäxkümnär turında iğ’tibar cälep itüçe belderü yasadı. Ul ber jurnalistnın sorawına cawap birep Äfğanstanda Amerika taşlap kitkän bazalarda meñnärçä DEAŞLı terrorçı totıluın äytte.
