Aljirda urman yanğınnarı: 65 ülem

Aljir xökümäte ildäge urman yanğınnarında 65 keşeneñ ğomere özelüen, alarnıñ 28eneñ ğaskäri buluın belderde.

Xökümät räise Äymän bin Abdurraxman däwlät telekanalında törle töbäklärdä däwam itüçe yanğınnar turında söyläde. Ul Awrupa däwlätlärennän yanğın sünderü oçqıçları arendalaw öçen söyläşülärneñ däwam itüen äytte.

Aljir räsmi agentlığı APSnıñ xäbärenä qarağanda, ildä 18 töbäktä 71 noqtada urman yanğını terkälgän.

Êçke êşlär ministrı Kamil Bilkud cirle matbuğatqa interv’yusında ber’yulı çıqqan yanğınnarda sabotaj ixtimalın tikşerülären häm, şulay bula qalsa, ğayeplelärne tabaçaqların  äytte.

Aljirda soñğı könnärdä kön’yaqtan kilgän çiktän tış êsse hawa dulqını häm köçle cillärdän soñ başlanğan yanğınnar kiñ taraldı.